XWANKO’ LI NA’LEB’AK CHI RIX LI LOQ’LAJ HA’ ARIN POPTUN

16 ago 2016

XWANKO’ LI NA’LEB’AK CHI RIX LI LOQ’LAJ HA’ ARIN POPTUN

Ewer xwanko’ jun li nimla ch’utam arin sa’ li tenamit Poptún, b’arwi’ li rajom a’an na’leb’ak, saaraq’ik ut xwech’b’al chankiru wanko’ rik’in roksinkil ut roxloq’inkil li loq’laj ha’, re naq chikama’an t-uxq wulak sa’ junaq sumk’uub’ ut chi rix a’an xyiib’ankil sa’ komonil junaq chaq’rab’ re xkolb’al rix li ha’.

Sa’ li k’anjel xe’tz’oqonk naab’aleb’ laj k’amolb’e rehatqeb’ li k’aleb’aal re Poptún, b’arwi’ xe’aatinak chi ch’uut chi rix oxib’ chi na’leb’; li ch’a’ajkilal naxk’am chaq naq maak’a’ xchaq’rab’il li ha’ (conflictividad), li chaq’rab’ li aajel ru xyiib’ankil re xkolb’al rix li ha’ (normativa) ut k’a’ru tento sa’ xb’een li awa’b’ejilal re naq tpaab’aaq li chaq’rab’ naq truhanq (gobernanza).

Eb’ laj k’amolb’e xe’chal sa’ k’aleb’aal ut xe’aatinak rik’in laj xokol esil a’in, xe’xye naq aajel ru junaq li chaq’rab’ re xkolb’al rix li ha’, xb’aan naq anajwank maa’ani na’ok chi rix, malaj maak’a’ nayeemank naq ink’a’ na’oksimank chi chaab’il, naq nab’atz’unlemank, wank sut naq eb’ li b’ihom nake’reechani li ha’ cho’q kajwi’ reheb’ a’an, ut li awa’b’ejilal maak’a’ naxye, jo’kan naq xe’xye naq tento junaq li chaq’rab’ ab’an, k’a’uxlanb’ilaq sa’ komonil.

SE REALIZA DIALOGO POR EL AGUA EN POPTUN

Ayer se realizo en este municipio el Dialogo por el Agua, como un encuentro y consulta para que amplios sectores de la sociedad guatemalteca puedan discutir, hacer sus aportes y construir consensos sobre el tema del agua, en un momento significativo en la historia del país.

En la actividad participaron líderes comunitarios de la mayoría de comunidades de Poptún, en donde en grupos de 30 de discutieron tres principales temas como la Conflictividad, Gobernanza y la Normativa sobre las cuales se orientó los Diálogos por el Agua.

Líderes comunitarios entrevistados por este medio, coincidieron en que es necesario que haya un control sobre el agua, pues actualmente muchos se aprovechan de este recurso para su beneficio personal o de empresas.

Esta actividad fue organizada por la Universidad de San Carlos de Guatemala con el apoyo de otras instituciones u organizaciones y que la misma se realizo hoy en la ciudad de Santa Elena, Peten.

No hay comentarios:

Publicar un comentario

AJ RALCH'OCH'

Página de noticias bilingüe (q’eqchi’-castellano), fundado en 2011 con el único objetivo de servir como medio a nuestra gente que históricamente han sido calladas, no escuchadas u olvidadas. Además, ayudar a promover mi idioma materno por medio de las noticias. Informar de manera imparcial, veraz y con ética periodística.

Na’ajej re esil sa’ ka’paay aatinob’aal (q’eqchi’-kaxlan), yoob’anb’il sa’ li chihab’ junlaju xwaq o’q’ob’, li qajom a’an xk’eeb’al qib’ cho’q xyaab’ xkuxeb’ li qakomon li junxil q’e kutan tz’appileb’ chaq xkuxeb’, ink’a’ nake’aab’iik malaj ink’a’ k’eeb’ileb’ se’ ajl. Jun chik, tenq’ank re xkawub’resinkil li waatinob’aal sa’ xyeeb’al ut xtz’iib’ankileb’ li esilal. Xyeeb’al li esil chi yaal ut chi ch’olch’o jo’ xaqab’anb’il xb’aan xchaq’rab’il li yehok esil.

LI XTIJEB' LI QAMAMA' QIXA'AN

“At Qajawal Tz’aqol, B’itol. Chohaawilaq, chohaawab’ihaq ta xaq. Mohaakanab’, mohaatz’eqtaana, at Qaawa’ li wankat sa’ choxa ut sa’ ruuchich’och’, xch’oolat li choxa, xch’oolat li ruuchich’och’. Chaak’ehaq chaq qe li qalal qak’ajol, li quuchileb’ chalen naq yooq chi xik li kutan saqenk. Chi saqewq ta, chi hik’e’q ta. Chaak’e chaq qe li qachaab’il b’e, li qahelookilb’e. Che’wanq ta sa’ tuqtuukil usilal li tenamit, numtajenaqaq ta li tuqtuukil usilal, ut sahaqeb’ ta li xch’ooleb’ chi junelik; chak’e ta chaq li qachaab’il yu’am ut chi ch’olch’ooq ta xaq toowanq. At Qaawa’ Hunraqan, Ch’i’pil Kaaqulha’, Raxi Kaaqulha’, Ch’i’pil Nanawak, Raxi Nanawak, B’ook, Hunahpu, Tepew, Q’uq’ulkan Alom, K’aholom, Ixpiyakok, Ixmukane, Rixa’an Qaawa´ Saq’e, Rixa’an li Kutank Saqenk. Chi saqewq ta, chi hik’e’q ta.” (Raatin Poopol Hu).

ANIHIN - QUIEN SOY

Laa’in jun poyanam chaljenaq linxe’ rik’ineb’ linmama’ wixa’an Q’eqchi’, yo’lajenaqin arin Peten, sa’ li k’aleb’aal Tanjok, Poptún. Nintenq’an re xk’utb’al ut xwaklesinkil li waatinob’aal ut linyehom b’aanuhom re naq ink’a’ tsachq. Ra naweek’a naq eb’ linkomon aj q’eqchi’ yookeb’ chi sachk sa’ xch’ooleb’ malaj ink’a’ chik nake’raj aatinak sa’ raatinob’aaleb’. Jo’kan utan, nink’a’uxla naq aajel ru xtz’ilb’al rix, k’a’uxlak sa’ komonil ut xyeeb’al k’aawut naq yo chi k’ulmank chi kama’an ut k’anjelak re xwaklesinkil wi’ chik li xexkanab’ qe li qamama’ qixa’an.

Nink’e wib’ chi xk’atq li yalok q’e nakexb’aanu li komon aj mayab’ ut ink’a’ aj mayab’ re xsik’b’al sa’ komonil li wakliik.

Ninjolomi li na’ajej a’in b’arwi’ li wajom a’an xk’eeb’aleb’ chi aatinak li ink’a’ nake’ab’iik xyaab’ xkuxeb’ rik’in li esil sa’ ka’paay aatinob’aal.

Laa’in jun aj tz’iib’anel esil sa’ laj yehol esil Mayak’at “Li esil maak’a’ xnub’ajl”, re li molam Federación Guatemaltecas de Escuelas Radiofónicas FGER.

Soy una persona con raíces maya Q’eqchi’, nacido en Peten, específicamente en caserío Tanjok, Poptún. Promuevo mi idioma y mi cultura para que no se pierda. Me duele ver a mi gente q’eqchi’ que están olvidando o ya no quieren hablar en su idioma. Por eso, pienso que es necesario analizar, meditar e informar, por qué está pasando esto y trabajar para rescatar lo que nos heredaron nuestros antepasados.

Me ubico al lado de las luchas de mi gente maya y no maya para buscar el bien común.

Soy administrador de esta página donde mi objetivo es darle voz a los sin voz por medio de las noticias bilingües.

Soy corresponsal del Noticiero Intercultural Mayak’at “La Noticias sin Fronteras” de la Federación Guatemaltecas de Escuelas Radiofónicas FGER.

Etiquetas

16 ago 2016