YALB’A’IX CHI RIX LI AATINOB’AAL Q’EQCHI’

12 may 2017

YALB’A’IX CHI RIX LI AATINOB’AAL Q’EQCHI’

Li Xmolamil li Aatinob’aal Q’eqchi’ re li Xteepal li K’iila Paay chi Aatinob’aal re Watemaal, naxk’e jun leeb’oqb’al laa’ex laj k’utunel, li ok eere xraq’b’al leetzolb’al, aj k’anjel rub’el roq li awa’b’ejilal malaj reheb’ li molam nake’ril rib’ xjunes, xcha’alatqeb’ li ch’uut ut malaj yal taawaj okenk, re tz’aqonk sa’ li yalb’a’ix chi rix li qaatinob’aal q’eqchi’ li taawanq sa’ li wuqlaju xb’e li po mayo sa’ li tzoleb’aal ICAVIS aran Machakilha’, taatiklaaq sa’ jun hoonal re ewu ut traqe’q sa’ oob’ hoonal.

Li aajel ru xk’amb’al:

Jun tz’iib’anb’il hu sa’ q’eqchi’, b’arwi’ taapatz’ naq taawaj xb’aanunkil li yalb’a’ix chi rix li aatinob’aal q’eqchi’ re li xjolomil qawa’ Jorge Ax.

Xmu laahu DPI, tento taak’am laahu DPI re rilb’al naq aran x-elk chaq li xmu.

Xmu laahu reetalil xraqik laatz’olb’al (titulo malaj certificado, aniheb’ li wankeb’ re).

Chi xjunil li hu tento xk’amb’al sa’ jun xna’aj pimil hu (folder-carta).

Naru naketz’iib’a eerib’ rik’in li qawa’ k’utunel CTA Estuardo Pop, ut naru nakeb’oq sa’ li rajlil li xb’oqleb’ 4059-7623, malaj sa’ rochochil li CLQ’ sa’ xka’ k’ojar re li molam Global Humanitaria arin Poptún rik’in laj k’anjel re li aatinob’aal q’eqchi’ ma’ Pedro Xol Pop, malaj naru nakeb’oq sa’ rajlil li xb’oqleb’ 5160-4351.

EVALUACION LINGÜÍSTICA MAYA Q’EQCHI’

La Comunidad Lingüística Q’eqchi’ de la Academia de Lenguas Mayas de Guatemala ALMG, por este medio invita a docentes, graduandos, empleados públicos y privados, miembros de asociaciones y persona particular del municipio de Poptún.

A realizar su evaluación lingüística maya q’eqchi’, el día 17 de mayo en las instalaciones de ICAVIS, de 13 a 17 horas.

Los requisitos son:

Fotocopia del DPI.

Fotocopia del Titulo de Nivel Diversificado.

Solicitud en q'eqchi' dirigida al presidente de la CLQ’ (Jorge Ax).

Los documentos deben ir en tamaño carta, folder y su respectivo fastener.

Inscribirse en la Oficina de Coordinación Técnica Administrativa del municipio de Poptún con el Prof. Estuardo Pop, al cel: 4059-7623 o en la oficina de la CLQ’, ubicado en el segundo nivel de Global Humanitaria en Poptun con el coordinador Pedro Xol Pop o a su cel: 5160-4351.

No hay comentarios:

Publicar un comentario

AJ RALCH'OCH'

Página de noticias bilingüe (q’eqchi’-castellano), fundado en 2011 con el único objetivo de servir como medio a nuestra gente que históricamente han sido calladas, no escuchadas u olvidadas. Además, ayudar a promover mi idioma materno por medio de las noticias. Informar de manera imparcial, veraz y con ética periodística.

Na’ajej re esil sa’ ka’paay aatinob’aal (q’eqchi’-kaxlan), yoob’anb’il sa’ li chihab’ junlaju xwaq o’q’ob’, li qajom a’an xk’eeb’al qib’ cho’q xyaab’ xkuxeb’ li qakomon li junxil q’e kutan tz’appileb’ chaq xkuxeb’, ink’a’ nake’aab’iik malaj ink’a’ k’eeb’ileb’ se’ ajl. Jun chik, tenq’ank re xkawub’resinkil li waatinob’aal sa’ xyeeb’al ut xtz’iib’ankileb’ li esilal. Xyeeb’al li esil chi yaal ut chi ch’olch’o jo’ xaqab’anb’il xb’aan xchaq’rab’il li yehok esil.

LI XTIJEB' LI QAMAMA' QIXA'AN

“At Qajawal Tz’aqol, B’itol. Chohaawilaq, chohaawab’ihaq ta xaq. Mohaakanab’, mohaatz’eqtaana, at Qaawa’ li wankat sa’ choxa ut sa’ ruuchich’och’, xch’oolat li choxa, xch’oolat li ruuchich’och’. Chaak’ehaq chaq qe li qalal qak’ajol, li quuchileb’ chalen naq yooq chi xik li kutan saqenk. Chi saqewq ta, chi hik’e’q ta. Chaak’e chaq qe li qachaab’il b’e, li qahelookilb’e. Che’wanq ta sa’ tuqtuukil usilal li tenamit, numtajenaqaq ta li tuqtuukil usilal, ut sahaqeb’ ta li xch’ooleb’ chi junelik; chak’e ta chaq li qachaab’il yu’am ut chi ch’olch’ooq ta xaq toowanq. At Qaawa’ Hunraqan, Ch’i’pil Kaaqulha’, Raxi Kaaqulha’, Ch’i’pil Nanawak, Raxi Nanawak, B’ook, Hunahpu, Tepew, Q’uq’ulkan Alom, K’aholom, Ixpiyakok, Ixmukane, Rixa’an Qaawa´ Saq’e, Rixa’an li Kutank Saqenk. Chi saqewq ta, chi hik’e’q ta.” (Raatin Poopol Hu).

ANIHIN - QUIEN SOY

Laa’in jun poyanam chaljenaq linxe’ rik’ineb’ linmama’ wixa’an Q’eqchi’, yo’lajenaqin arin Peten, sa’ li k’aleb’aal Tanjok, Poptún. Nintenq’an re xk’utb’al ut xwaklesinkil li waatinob’aal ut linyehom b’aanuhom re naq ink’a’ tsachq. Ra naweek’a naq eb’ linkomon aj q’eqchi’ yookeb’ chi sachk sa’ xch’ooleb’ malaj ink’a’ chik nake’raj aatinak sa’ raatinob’aaleb’. Jo’kan utan, nink’a’uxla naq aajel ru xtz’ilb’al rix, k’a’uxlak sa’ komonil ut xyeeb’al k’aawut naq yo chi k’ulmank chi kama’an ut k’anjelak re xwaklesinkil wi’ chik li xexkanab’ qe li qamama’ qixa’an.

Nink’e wib’ chi xk’atq li yalok q’e nakexb’aanu li komon aj mayab’ ut ink’a’ aj mayab’ re xsik’b’al sa’ komonil li wakliik.

Ninjolomi li na’ajej a’in b’arwi’ li wajom a’an xk’eeb’aleb’ chi aatinak li ink’a’ nake’ab’iik xyaab’ xkuxeb’ rik’in li esil sa’ ka’paay aatinob’aal.

Laa’in jun aj tz’iib’anel esil sa’ laj yehol esil Mayak’at “Li esil maak’a’ xnub’ajl”, re li molam Federación Guatemaltecas de Escuelas Radiofónicas FGER.

Soy una persona con raíces maya Q’eqchi’, nacido en Peten, específicamente en caserío Tanjok, Poptún. Promuevo mi idioma y mi cultura para que no se pierda. Me duele ver a mi gente q’eqchi’ que están olvidando o ya no quieren hablar en su idioma. Por eso, pienso que es necesario analizar, meditar e informar, por qué está pasando esto y trabajar para rescatar lo que nos heredaron nuestros antepasados.

Me ubico al lado de las luchas de mi gente maya y no maya para buscar el bien común.

Soy administrador de esta página donde mi objetivo es darle voz a los sin voz por medio de las noticias bilingües.

Soy corresponsal del Noticiero Intercultural Mayak’at “La Noticias sin Fronteras” de la Federación Guatemaltecas de Escuelas Radiofónicas FGER.

Etiquetas

12 may 2017