LI MARN NAXTAAQI XJITOMEB’ LI K’ALEB’AAL CHI RIX XTZ’APB’AL ROQ LI HA’

(Foto Aj Ralch'och')

Sa' li kaalaju xb'e li po a'in xwulak li xkab’il xjolomil li na’ilok re li qasutam ma’ Alfonzo Alonso, sa’ xch’uutaleb’ li k’aleb’aal San Amelia, Poptún, re rilb’al malaj re rab’inkil chank ru yo chi xik li jitok exk’e eb’ li k’aleb’aal chi ru li chaq’rab’ oxib’ po chaq anajwank, chi rix naq jun li xk’anjeleb’ li b’ihom (finca Cancuen) aj awonel lamuux ut huul, xb’aan naq q’aab’anb’il chi xtz’apb’al roq li ha’ Santa Amelia malaj San Juan, li nake’uk’a’ wi’ li komon wankeb’ sa’ li k’aleb’aal Rio Corozal ut li roqiha’ a’an naxkut rib’ sa’ li nimla roqiha’ La Pasión, Sayaxche. 

Li xkab’il xjolomil li molam a’in, xk’ulub’an naq yaal naq li finca ojtz’ap roq li ha’, ab’an a’an kib’aanumank oxib’ po chaq anajwank sa’ li saq’ehil. “Yaal naq extz’ap roq li ha’, ab’an ak xexte chikan ut li roqiha’ ak wank wi’chik jo’ chalen chaq”, chank. Ab’an qana’ Ana Caal Xi, ruuchileb’ laj q’eqchi’ chi ru li CODEDE, xye naq yaal aj wi’ naq xexte, ab’an muku a’an ta li xtz’aqal ooq li ha’, “li xtz’aqal ooq li ha’ toj tz’aptz’o aj wi’, li xexte a’an jalan chik”, chank. 

Li xkab’il xjolomil li na’ilok li qasutam, xye naq aajel ru naq wanq xchaq’rab’il li ha’, xb’aan naq anajwank maak’a’ jo’ naye’ chi rix naq yalaq k’a’ ru nab’aanumank re. 

Sa’ li ch’utam a’an li poyanam a’in x-ochb’eeniik xb’aan li diputado Eduardo Montepeque, b’arwi’ li ma’ Eduardo xmine’ ru xb’aaneb’ li k’aleb’aal chi xpatz’b’al chikaw chi ru li chaq’rab’ naq te’ok chi k’anjelak re tz’ilb’al rix li ch’a’ajkilal a’in. 

Li qana’ Ana Caal, xye naq usta li finca xte b’ayaq roq li ha’ ab’an li xtz’ilb’al rix li ch’a’ajkilal a’an toj yooq.

MARN DA SEGUIMIENTO A DENUNCIA DE COMUNITARIOS DE POPTUN 

El 14 de este mes estuvo de visita en la microrregión de Santa Amelia Poptún, el viceministro del ministerio de Ambiente y Recursos Naturales MARN, Alfonzo Alonso, en la cual el objetivo era darle seguimiento a la denuncia que comunitarios de esa microrregión habían puesto en el Ministerio Público y ante el MARN hace tres meses, sobre la finca Cancuen, empresa que se dedica a la producción de limón y hule que supuestamente había desviado el cauce del rio Santa Amelia o rio San Juan, afluente que abastece principalmente a la comunidad de Rio Corozal y que va a desembocarse en el rio La Pasión, en Sayaxche, Peten. 

(Foto ilustrativa: Prensa Libre)

El viceministro confirmo el desvío del río que los dueños de las fincas habían hecho, pero argumento que eso fue hace tres meses cuando era verano. “efectivamente hay una huella del desvío, pero ya abrieron el camino del rio, y que ya se está normalizando su cauce”, dijo. Mientras que Ana Caal Xi, representante del pueblo q’eqchi’ ante el CODEDE, dijo que sí abrieron una parte del paso del río, pero no es el cauce principal del rio. “El paso del rio principal sigue desviado”, dijo la lideresa. 

El viceministro, comento que es necesario una normativa, ya que actualmente en la ley, no está tipificado que haya una persecución penal por desviar ríos. 

En dicha reunión, el viceministro fue acompañado por el diputado petenero Eduardo Montepeque, quien fue presionado por los comunitarios a darle seguimiento a la denuncia ante el ministerio Público. 

Por ultimo, Caal Xi dijo que aunque la finca haya abierto nuevamente una parte del paso del rio, la investigación sigue su curso.