 |
| (Haciendo las manualidades) |
Re naq eb’ li saaj poyanam te’ok xjunajinkileb’ rib’ ut k’anjelak re xkolb’al rix li loq’laj ch’och’, aye' tana ka’k’aaleb’ li saaj ixqa’al ut saaj winq nake’chalje’ sa’ eb’ li k’aleb’aal Poite Centro, Jovente, Tzunk’al ut Chapayal re li tenamit San Luis Peten, xe’xmol li k’iila mul li tz’eqb’il sa’ li roqiha’ Jovente, li k’anjel xb’aanumank sa’ li lajeeb’ xb’e li po diciembre.
Eb’ li saaj poyanam xe’ch’utub’aak xb’aaneb’ li molam COACAP natenq’ank reheb’ laj k’alom, li molam Ixkik ut li molam Pop No’j, tenq’anb’ileb’ chi tuminal xb’aan li nimla ch’uut Federación Luterana Mundial.
Qawa’ Elienai Pacheco nak’anjelak sa’ li molam COACAP xye naq rik’in li mul li xe’risi sa’ roqiha’, eb’ li saaj xe’xyiib’ li kok’ atz’um, kok’ k’uulaal tumin, xna’aj uutz’uj malaj wank chik xkomon. Li k’anjel a’an xwanko’ eq’la ut chi ru li q’ojyink, xwanko’ jun li k’anjel re ajtesink u b’arwi’ xe’tz’aqonk li komon re li k’aleb’aal Jovente’, ut xe’xk’ut li rahilal yoochaq chi chalk xb’aan li xtawasinkil ut li xjalajik ru li loq’laj ruuchich’och’, cambio climático nayeemank re.
Qana’ Adela Coy nak’anjelak aj wi’ sa’ li molam COACAP xjultika naq a’an jun toch’ok k’a’uxl li xb’aanumank, re naq li poyanam te’ok b’ayaq xk’a’uxlankil chank raj ru naq tkolmanq ut ttenq’amanq li ruuchich’och’, ut re xk’utb’al, xe’xk’a’uxla naq aajel ru xyamlesinkil xsa’ junaq li roqiha’, jo’kan ut naq xe’xyamlesi sa’ li roqiha Jovente, xb’aan naq xe’xk’e reetal naq jwal wi’chik li mul chi sa’, ut xyeeb’al reheb’ li komon naq muku yalaq b’ar ta ttz’eqmanq li mul, xb’aan naq li jwal ra te’ril julaj kab’ej a’aneb’ li toj yookeb’ chi k’iik.
Qayehaq, “naq yooko chi xik sa’ junaq b’eeleb’aal ch’iich’ malaj yooko chi b’ehek ut yooko xtzekankil junaq saa’us, naqatz’eq li rix sa’ b’e naq nakooraqe’ ut aran nakana, a’an li ink’a’ chik naqaj naq tb’aanu li poyanam”, chank.
Qana’ Candelaria Xi’, aj k’anjel sa’ li molan Ixkik, xye naq xsaho’ xch’ool rik’in xtz’aqonikeb’ li saaj poyanam xb’aan naq xe’xk’e reetal naq ink’a’ pe’ us li tz’eqok mul sa’ roqiha’ b’arwi’ nake’uk’ak li komon. Ut xye aj wi’ naq naraho’ xch’ool naq li komon nake’xnaw naq ink’a’ us li tz’eqok mul sa’ ha’, ab’an toj nake’xb’aanu aj wi’.
Lix Mayra Hermitania Caal Cho, aj Poite Centro, San Luis, jun li saaj ixqa’al li xtz’aqon sa’ li molok mul xjultika naq aajel ru xb’aanunkil li k’anjel a’in chi kok’ sa’ re naq li komon te’ok b’ayaq li xk’a’uxl. “a’an jun li roqiha’ li naxk’eheb’ chi u’k li komon sa’ k’aleb’aal ut ink’a’ wi’ chik us naq yooqeb’ xtz’ajninkil”, chank.
Jun chik li ixqa’al Delia Caal Choc, aj Tzunk’al San Luis, xhulak aj wi’ chi ru li k’anjel, xb’enwa naq rik’in a’an xe’xk’e b’ayaq xmusiq’ li ruuchich’och’ ut xkab’il naq xk’eemank chi xnaweb’ li komon naq aajel ru xyamlesinkil li qasutam.
“Naqaj raj naq tb’aanumanq li yamlesink sa’ li k’aleb’aal junjunq re naq eb’ li poyanam te’xtaw ru li qawanjik sa’ ruuchich’och’, kama’an sa’ link’aleb’aal wank jun li ha’ ab’an li komon jwal nake’xkut li mul chi sa’, ut jarub’aq taayeheb’ re ink’a’ nake’xtaw ru”, chank.
Con el objetivo de que los jóvenes se integren en la lucha contra el cambio climático, alrededor de 40 jóvenes entre mujeres y hombres de las comunidades de Poite Centro, Jovente, Chapayal y Tzunkal del municipio de San Luis, Peten, realizaron este 10 de diciembre una jornada de limpieza en el rio Jovente en la comunidad con el mismo nombre.
Los jóvenes fueron convocados por la Coordinadora de Organizaciones Campesinas Agropecuarias de Peten COACAP, Asociación Ixkik y la Organización Pop No’j, con el apoyo financiero de la Federación Luterana Mundial.
Elienai Pacheco, encargado de Proyectos de COACAP, dijo que con toda la basura que se extrajo del rio, se hizo diversas manualidades, mientras que por la noche los jóvenes realizaron una hora cultural en donde presentaron sociodramas en relación al cambio climático en donde participaron los vecinos de dicha comunidad. Previo a estas actividades los líderes de los grupos de jóvenes recibieron una capacitación.
Adela Coy, Técnico de Campo de COACAP dijo que es una campaña de concientización sobre cambio climático que las organizaciones están realizando, en ese sentido, se decidió que para dar un ejemplo era limpiar el rio Jovente, en San Luis, luego de ver que había mucha basura acumulada en el afluente, y también hacer ver a la gente que no se debe tirar la basura en cualquier lado porque a la larga, los perjudicados será la generación futura por el deterioro del planeta.
“Si vamos comiendo alguna golosina en un bus o cuando vamos a pie, lo que hacemos es tirar la basura en donde sea y se queda en la calle, eso es lo que queremos evitar”, dijo la entrevistada.
Entre las manualidades que se hizo, fueron; portalapiceros, alcancías, campanitas para fin de año, floreros, adornos varios, entre otros.
Otra de las organizaciones involucrados en esta campaña de concientización sobre cambio climático, es Ixkik y según dio a conocer Candelaria Xi, Técnico de Campo, informó que le pareció interesante la participación de los jóvenes porque al momento de realizar el tren de limpieza se dieron cuenta la cantidad de basura que las personas tiran al rio, afluente que los beneficia en dicha comunidad. Aunque, lamento que, aunque las personas están conscientes de la contaminación que hacen al afluente donde se realizó la limpieza, siempre tiran la basura.
Mayra Hermitaria Caal Cho de Poite Centro de San Luis, una de las voluntarias, dijo que sería bueno que este tipo de actividades se realizara constantemente para que poco a poco la gente se concientice. “Es un rio que beneficia a la comunidad, como que no se vale que la misma gente lo esté contaminando”, dijo, por lo que reitero hacer este tipo de evento constantemente.
Además, Delia Caal Choc, otra de las voluntarias del caserío Tzunkal, San Luis, Peten, dijo que fue muy importante realizar la actividad, primero porque así se le da un respiro a la madre naturaleza y segundo porque concientiza a las personas a actuar para ayudar al medio ambiente.
 |
| (Candelaria Xi - Ixkik) |
“Quisiéramos que se realizara en otras comunidades para hacer entender a la población que nuestro deber es ayudar a minimizar los efectos del cambio climático, por ejemplo: aquí en mi comunidad hay un rio, pero casi se está secando porque la gente tira toda clase de basura y por mucho que uno les diga que no lo hagan, siempre lo hacen”, finalizó.
ENTREVISTAS EN Q'EQCHI'
No hay comentarios:
Publicar un comentario