15 oct. 2016

XB’AANUMANK LI MAYEJAK ARAN IXKUN, DOLORES


“Naqapatz’ re laj Yoob’tesinel naq tk’e xk’a’uxleb’ eb’ laj jolominel tenamit re naq tohe’xk’e sa’ rixeb’ ru, ma' ta laa’o laj ralch’och’, te’k’anjelaq taxaq re xwaklesinkil li tenamit, te’rileb’ li neb’a’eb’, li ink’a’ k’eeb’ileb’ se’ajl”, chankeb’ li cheekel poyanam sa’ li xtijeb’ sa’ li mayejak xexb’aanu sa’ li kab’laju xb’e li po octubre sa’ li xna’jeb’ li qamama’ qixa’an Ixkun, Dolores, sa’ xjultikankil li kab’laju xb’e li po octubre, kutank b’arwi’ najultikaman naq laj ralch’och’ toj wankeb’, ink’a’ nake’xkanab’ rib’eb’ chi ruheb’ li yookeb’ chi jolomink chi ink’a’ us. Wank aj wi’ nake’xjultika naq a’in xb’e li po naq xe’k’ulunk chaq eb’ laj kaxlan winq numenaq oob’ cient chihab’ chaq anajawank, ut b’arwi’ xe’xb’aanu jun li xnimal kamsink, xb’aan naq li xe’raj raj a’an xkamsinkil chi xjunileb’ laj ralch’och’ li ak wankeb’ arin América. 

Li mayejak a’in k’uub’anb’il rajlal chihab’ xb’aan radio Ut’an Kaj uteb’ li cheekel winq li nake’chalje’ sa’ atqeb’ li k’aleb’aal re San Luis, Poptún ut Dolores, li nake’xtikib’ ch’utlaak sa’ li wajxaqib’ re li octubre, chi rix a’an nake’ok chi xyiib’ankil li uutz’uj (candelas) rik’in li tz’aak ut li pom nake’xk’am chaq eb’ li cheekel winq. Chi rix a’an, eb’ li cheek ak nake’xnaw b’ar nake’tz’aq chi mayejak, sa’ li kutan a’an jun ch’uut xe’kana sa’ li tijleb’aal zona 2, jun ch’uut chik aran sa’ li tzuul oxib’ cruz ut li jun ch’uut chik aran Ixkun, Dolores. 

Eb’ li ninqi winq xe’tz’aaman aj wi’ chi rix li qawa quk’a’, naq maa’ani tkuy tz’okaak, chi rix li qana’ch’och’, naq chaab’il toowanko’q rik’in li Tzuultaq’a, ut usaq li qawanjik chi ru li ruuchich’och’ a’in “xb’aan naq yal aj nuumelo”, chankeb’. 

Li xk’uub'ankil li k’anjel a’in muku yal wiib’ oxib’ ch’utam ta, wuqub’ wajxaqib’ po b’an chirub’eetal na’ok xk’uub’ankil rix. 

SE REALIZA CEREMONIA EN IXKUN, DOLORES, PETEN 

“Pedimos al Creador y Formador que ilumine a nuestras autoridades para que nos tomen en cuenta, especialmente a nosotros los nietos de nuestros ancestros mayas, que velen por el desarrollo del pueblo, que velen por los mas desprotegidos y abandonados, que haya justicia a todos por igual”, decían en sus plegarias las y los ancianos ayer 12 de octubre en el lugar Sagrado Ixkun, del municipio de Dolores, Peten, en el marco de la conmemoración del Día de la Resistencia Indígena, en el sur de Peten, llamado “Día de la Unidad Nacional”. Fecha que coincide con la llegada de Cristóbal Colon el 12 de octubre de 1492, catalogado por expertos en historia, el inicio de uno de los más grandes genocidios de la humanidad, pues se trato de exterminar a los nativos americanos. 

En esta actividad participaron como todos los años, ancianos de varias comunidades de Poptún, Dolores y San Luis, congregados en el templo católico de la zona 2, de Poptún desde el 8 de octubre y que el 12 se distribuyen en lugares distintos, por lo que ese día un grupo se quedo en el templo de la zona 2, otro grupo de ancianos realizo la ceremonia maya en el cerro de las Tres Cruces y el otro grupo en Ixkun, Dolores. Previo a eso, los ancianos fabrican las candelas (de cera) a usar en las ceremonias, mientras que el copal (pom) es traído por los mismos ancianos o donados por personas que no participan pero que dan su aporte. 

Los ancianos también pidieron por que haya buena cosecha, que haya alimento para todos, por una buena armonía con la madre naturaleza, y que haya buena existencia mientras se esta sobre la tierra, “ya que somos pasajeros”, dijeron. 

La organización de este evento, no es de uno o dos reuniones, si no de 7 u 8 meses atrás para que salga como lo planeado.

No hay comentarios:

Publicar un comentario